Londonda aktyor Kristofer Li 93 yoshida vafot etdi, deb xabar bermoqda Meduza. Li 7-iyun kuni London g‘arbidagi shifoxonada vafot etgan, biroq bu haqidagi xabar endigina ma’lum bo‘ldi.

Aktyor tonggi soat 8:30 da Londondagi Chelsi va Vestminster shifoxonasida vafot etgan. U oxirgi uch hafta davomida nafas olish bilan bog‘liq muammolar va yuragidagi shikoyatlar tufayli davolanayotgan bo‘lgan.

Kristofer Li o‘z faoliyati davomida 250 dan ortiq rol ijro etgan. Ulardan eng mashhurlari — “Uzuklar hukmdori” va “Xobbit” trilogiyalaridagi Saruman hamda “Yulduzli janglar”ning ikkinchi va uchinchi qismlaridagi graf Duku rollaridir.