Сени десам, уйғонар дилим, 
Сени десам, дилим бўлар ёш! 
Мен ортингдан “қайт” деб бақирдим, 
Сен ортингга отиб кетдинг тош! 

Сен-ку кетдинг, ҳар кун минг бора, 
Хаёлимда елавердинг сен. 
Тунлари ҳам ғариб, бечора, 
Тушлар бўлиб келавердинг сен! 

Қайтиб бергин кўнглим зарини, 
Топиб бергин, дея ўтиндим! 
Тоғдек кўнглим синиқларини, 
Ёпиб бергин дея ўтиндим! 

Тополмадим лекин бир чора, 
Эсламай ҳам қўйдим, илғадим! 
Лекин бугун энг сўнгги бора, 
“Мен севардим” дея йиғладим! 

Сени кутдим, билмайман нега, 
Айт, йўқмиди менда ғурур, бет?! 
Лекин энди мени қайтиб бер, 
Йўлинг тушса мени ташлаб кет!